أتصل بنا
الرئيسية > الادب والثقافة > ديك أبوك أولى
إعلان

ديك أبوك أولى

 

المستشار عماد أبو هاشم

شعر/ المستشار عماد أبو هاشم

 

يا خسارة الفتونه

لما الجدع بيخيب

و الجحش يصبح بطل

و السبع فجأه يْغيب

قطر الحياه فات و انا

ما اعلمش علم الغيب

السبع يعمل مَرَهْ

و الجحش يقلب ديب

======

يا عم يالى بقيت

وسط الديوك فرخه

عايز تبيض ؟

بيض

بعيد عن أرضنا الشامخه

و إن كنت عايز ديوك

فديك أبوك أولى

و الأولى من ديك أبوك

ديك أمك اسم الله

تسمح تبيض في هدوء

من غير و لا صرخه

وابقى استحمى قوام

من ريحتك الوسخه

======

يا عم يالى اليهود

حطوا عليك طرحه

حِل اللباس يا جدع

و ارقص من الفرحه

و لباس أبـــوك نزله

فى الجايه و الرايحه

و الخلق لو ســــألوك

عَ الحاجه قول سارحه

======

يا عم يالى اليهود

ماسكين عليك زِلهْ

كاسرين قوى عين أبوك

عاملينه راس فجله

لو جارعليك اليهود

أو كنت يوم تعبانْ

أوصيك تحل اللباس

للروس و للأمريكان

ده شيء عليك مش جديد

من إمتى لك مِله

======

يا حلوه شوفى الدكر

ألَّا يكون فاتِك

قوليله فين همتك

ولَّا البتاع خانك

لو كنت صنت البتاع

كان البتاع صانك

لسه الخواجه أسد

ماتْشِد أعصابك

أصل الخواجه عفى

و انت الوهن صابك

======

يا حلوه شوفى الدكر

لساه دكر ولَّا

راحت عليه بالقوى

و كل شيء ولى

لو كان حقيقى قوى

ماكانش يتْولى

هُمه يحبوا العَجَز

و صاحب العله

======

يا خسارة الفهلوه

لما الفكيك يتخم

و الدم يصبح مغات

و الميه تصبح دم

قالوا الخاذوق عندنا

و الطب متقدم

و الِّى بيطلب علاج

بسرعه يتقدم

النفخ و الخذوقه

للبرد و البلغم

إلبس يا صاحبى بقى

و بفايده يا مْعلم ْ

======

متأخرين في العلام

ماشيين محلك سر

لكن أساتذة كلام

شاربين في جوفنا المر

أجعص جعيص أمنجى

أو فنجرى فى البُق

أو عصبجى بلطجى

عمره ما يعرف حق

رقص الغوازى غلب

صوت الحقيقه الحر

======

يا عم يالى اليهود

خلوك ترخصنا

و تْشيل هباب البرك

فوق راسنا و تْعوصنا

إن كنت عايز نلوص

إحنا خلاص لُصنا

وان كنت عايز فلوس

تعالى مصمصنا

وان كنت عايز ديوك

خلصت و فيصنا

و ان كنت عايز تبيض

بيض

بيض و خلصنا

======

شعر/ المستشار عماد أبو هاشم

 

تمت القراءة 16مرة

عن جريدة اللواء الدولية

جريدة اللواء الدولية
يومية - سياسية - مستقلة

اضف رد

لن يتم نشر البريد الإلكتروني . الحقول المطلوبة مشار لها بـ *

*

إعلان
إلى الأعلى
Optimization WordPress Plugins & Solutions by W3 EDGE