أتصل بنا
الرئيسية > الأخبار المُثبتة > بيان : الإعدام لمبارك و القصاص للشهداء
إعلان

بيان : الإعدام لمبارك و القصاص للشهداء

 المناضل ضياء الصاوى أمين عام حركة الشباب بحزب الإستقلال

القاهرة : اللواء الدولية

الباشوات فكروا أن الثورة دخلت التلاجة .. فكروا أن مبارك ممكن يفلت من الأعدام ويطلع في زحمة مولد الارهاب والكباب .. فكروا أنهم ممكن يكملوا الجريمة وان زهرة الشباب لازم يبقي مكانهم المقابر علشان يمسك عواجيز مبارك المناصب .. وكأن ثورة في 25 يناير لم تقم، وكأن دماء طاهرة لم تراق. احنا بنقول بهدوء : لأ .. بنقول بصوت عال : لأ .. بنقول والشوراع بتغلي من جرائم عصابة مبارك : لأ: .. بنقول لمبارك التاني : لأ .. بنقول لقضاة الباشوات الملاكي : لأ .. بنقول لكلاب الحراسة وكهنة المعبد : ألف لأ .. بنقول لأمريكا وعصابة الهيمنة اللي دعمت شلة القتلة والحرامية : مليون لأ. ايوه اختلفنا كتير .. زعلنا من بعض كتير .. ولكن ثورة 25 يناير وأهدافها و قراراتها ومكاسبها وأوامرها خط أحمر.. لازم نحط خلافتنا في التلاجة مؤقتا .. لازم ندخل القتلة كمان التلاجة .. مبارك ومبارك التاني جيم اوفر. الاعدام لمبارك قرار الثورة .. القصاص للشهداء من 25 يناير لغاية النهاردة قرار الثورة .. مفيش مخلوق لسه في مصر يقدر يغير قرار الثورة . استعنا بالله القوي القهار .. ثم بجماهير الثورة الصامدة وندعو للأتي :

أولا: الاصطفاف الثوري لاستكمال ثورة 25 يناير .

ثانيا : دعوة جماهير الثورة خاصة الطلبة والعمال والنقابيين والنساء الي استكمال انتفاضات الغضب حتي النصر. ثالثا: موعدنا 27 /9 في كل ميادين مصر تحت لافتة واحدة “الاعدام لمبارك .. القصاص للشهداء” خلاص ياباشوات .. لموا الاوراق جيم اوفر .. الثورة في الميدان إحنا المستقبل .

احنا الشباب الله أكبر .. وتحيا الثورة

الموقعون :

حركة شباب ضد الانقلاب – شباب الجبهة السلفية- طلاب ضد الانقلاب -طلاب الاستقلال – مهنيون ضد الانقلاب – حركة رفض غلاء الأسعار- “صوت الغلابة” – التيار المدني الثوري – حملة المقاطعة مستمرة

القاهرة في 24 سبتمبر 2014

عن جريدة اللواء الدولية

جريدة اللواء الدولية
يومية - سياسية - مستقلة

اضف رد

لن يتم نشر البريد الإلكتروني . الحقول المطلوبة مشار لها بـ *

*

إعلان
إلى الأعلى
Optimization WordPress Plugins & Solutions by W3 EDGE